Mensahe importante pa bishitantenan15 aña Boneiru komo Entidat Públiko i parti di Reino Hulandes. Logro, lès, desafío i oportunidatnan!
Konseho Insular ta haña ku ta importante ku bos di pueblo ta sentral. P’esei ta invitá tur Boneriano pa kompartí nan opinion, eksperensia i deseonan. Lesa mas
E biahe di trabou di Konseho Insular di Bonaire a terminá ku éksito e siman aki, despues di un seri di bishita i reunionnan formal na Sint Maarten i Sint Eustatius.
Un delegashon di Konseho Insular di Boneiru a biaha pa Sint Maarten pa partisipá den e selebrashon di Dia di Sint Maarten, ku anualmente ta sosodé riba 11 di novèmber.
Konseho Insular di Boneiru a hiba un kombersashon informal ku Prof. dr. Wouter Veenendaal riba djabierne 7 di novèmber 2025 den sala di reunion na Passangrahan.
Diessinku aña pasá Boneiru a hasi un paso históriko: e transishon pa su struktura estatal aktual komo Entidat Públiko. For di e tempu ei nos isla a pasa den hopi desaroyo; riba e nivel sosial, ekonómiko i di gobernashon. Awor, 15 aña despues, Konseho Insular ke, huntu ku komunidat evaluá i wak pa dilanti.
Riba 9 di òktober 2025, a inougurá e eksposishon Historia di Demokrasia di Boneiru ofisialmente, un kolekshon úniko ku ta presentá e historia riku di demokrasia na Boneiru.
Den e edifisio di Passangrahan tin pa un tempu kaba fotonan di miembronan di Konseho Insular ku a bai nos dilanti. Ku un lugá permanente pa rekuerdo nan ta wòrdu honrá pa nan kontribushon balioso na e demokrasia i desaroyo di Boneiru.
Konseho Insular di Boneiru ta invitá komunidat di Boneiru pa un enkuentro informativo tokante Wet openbare lichamen Bonaire, Sint Eustatius en Saba (WolBES) i Wet financiën openbare lichamen BES (FinBES).
Den e siman aki, un delegashon kombiná di Boneiru, Sint-Eustatius i Saba (islanan BES) lo bishita e parlamentonan di Aruba, Kòrsou i Sint-Maarten. Durante e bishitanan aki, e delegashon lo presentá nan defensa pa un trato igual i bos den Reino Hulandes.
E Konsehonan Insular di Boneiru, St. Eustatius i Saba a tuma nota di e konsulta riba internèt di fecha 2 di sèptèmber 2025 tokante revishon di e Lei di Entidat Públiko Boneiru, St. Eustatius i Saba (WolBes) i e Lei di Finansa di Entidat Públiko Boneiru, St. Eustatius i Saba (FinBes).
E Konsehonan Insular di BES a reuní awe riba 4 di sèptèmber na Boneiru pa e Kumbre di BES, kaminda a tuma lugá diskushonnan importante tokante gobernashon, reforma di belasting, i inisiativanan di kuido di salú ku ta afektá e islanan di Boneiru, St. Eustatius i Saba.
Djasabra último, dos diputado, Señora Cicilia i Señora Den Heyer, a entregá personalmente nan karta di retiro na Gezaghebber interino, den su kapasidat komo Presidente remplasante di Konseho Insular.
Riba djamars 25 di yüni, Konseho Insular di Boneiru a tene un seshon di introdukshon ku señora Carla Aalse, representante di e agensia di konsulta CRM Link.
Djamars 24 di yüni 2025, miembronan di e Konseho Insular (KI) a bishitá e proyekto inovativo MAESTRO na Hulanda, kaminda nan a haña informashon detayá, un presentashon formal i un rekorido di e kompleho.
Djaluna 23 di yüni 2025, miembronan di Konseho Insular (KI) tabata tin e privilegio di por a partisipá aktivo na un seshon di trabou ku e konsehero nan di e proyekto di vishon di struktura kual ta BVR-Groep a organisá.
Djabièrnè 20 di yüni último, miembronan di Konseho Insular di Boneiru a risibí un kurso intensivo organisá pa e “Vereniging van Raadsleden (VvR)”, ku meta pa fortifiká e kapasidat di trabou i liderato di e órgano legislativo lokal.
Ku invitashon di maneho di e dos islanan, Sint-Eustatius i Boneiru a tene un enkuentro bilateral na Hulanda riba dia 19 di yüni 2025. E reunion tabata enfoká riba un kooperashon fuerte entre e dos islanan i desaroyá areglonan komun.
Riba 17 di yüni 2025, a tuma lugá un diálogo entre Konseho Insular i KOREL. Durante e reunion, vários tema aktual i di urgensia ku ta importante pa e komunidat lokal i pa Karibe Hulandes den su totalidat a ser diskutí.
Dia 16 di yüni 2025, Konseho Insularnan di Boneiru, Sint Eustatius i Saba a konkluí un kumbre ES produktivo i unifiká na Den Haag, ku a demostrá un espíritu nobo di kooperashon i meta komun entre e islanan Karibe Hulandes.
