Konseho Insular Boneiru ta responsabel pa kontenido di e wèpsait aki i ta hasi tur loke ta na su alkanse pa manten’é korekto, aktual i aksesibel. Si bo tin pregunta òf bo ta mira informashon ku no ta klòp (mas), e ora ei manda un email na info@konsehoinsular.nl 

Informashon personal i privasidat

Privasidat ta hunga un ròl importante den relashon entre e suidadano i gobièrnu. Organisashonnan públiko ta responsabel pa loke ta trata informashon personal i interkambio di informashon riba tur tereno kaminda nan ta aktivo. Nan ta anda kuidadosamente, seif i konfiabel ku kolektamentu, wardamentu i maneho di informashon personal di habitantenan, empleadonan i partnernan.

Anda adekuadamente i kuidadosamente ku informashon personal ta un responsabilidat diario di Konseho Insular Boneiru. Konseho Insular Boneiru ta rekonosé importansia di protekshon di privasidat. Nos ta haña importante pa ta transparente tokante e manera kon nos ta anda ku informashon personal i salbaguardá privasidat.