A konkluí promé siklo di Kumbre di BES ku palabrashonnan konkreto tokante kuido di salú, enseñansa i representashon

Durante e enkuentro bon bishitá, konseho insular di e islanan a papia tokante i traha pa sigui desaroyá e asuntu di representante permanente na Hulanda. A duna un aktualisashon tokante desaroyonan kontinuo i futuro, relashoná ku e palabrashonnan ku a hasi na mei 2024 na i relashoná ku WolBES/FinBES. Pa di promé bia e Kumbre di BES a inkluí un seshon di ‘break-out’, kaminda a repartí e miembronan den grupo pa diskutí i elaborá e tres tópikonan prinsipal. A forma tres grupo, ku a konsistí di un miembro di kada konseho insular i un griffier insular. A hasi uzo di e strategia akí pa aselerá e metanan deseá, a base di anterior i futuro diskushonnan ku diferente interesadonan, manera Komishon di VWS i Konseho di Enseñansa.

E tres tópikonan ku a keda diskutí tabata kuido di salú, enseñansa i representantenan permanente. Kada grupo di trabou a inventarisá e retonan i a hasi proposishonnan pa e direkshon ku lo mester sigui. Pa loke ta trata kuido di salú, e énfasis tabata riba kombatimentu, pero tambe riba prevenshon, desaroyonan relashoná ku sufisiente kuido di salú, i e retonan ku kada isla ta enfrentá den e aktual struktura di kuido di salú, ku ta ekskluí e posibilidat pa sera un seguro adishonal pa nesesidatnan médiko spesífiko òf kuido dental. A konkluí e kombersashonnan ku palabrashonnan konkreto i puntonan di akshon. Konhuntamente lo atendé e diferente siguiente akshonnan.

Banda di esei e di dos grupo di trabou a enfoká riba enseñansa riba e islanan, e retonan, konklushonnan resien di Konseho di Enseñansa i pasonan konkreto rekerí pa fortifiká aktual strukturanan lokal i atendé ku e retonan ku ya ta konosí, pero pa kua masha tempu mester a tuma medida. A base di e rapòrt, Konseho di Enseñansa ta enfatisá e retonan ku ta konosí masha tempu kaba, pero pa kua ainda no ta tuma akshonnan siguiente, pasobra e diskushon tabata konsentrá riba proba e asuntunan ku habitante- i representantenan ta alegá masha tempu kaba. E grupo di akshon a traha riba proposishon- i puntonan di akshon konkreto pa atendé ku i proponé mehorashonnan struktural den struktura di enseñansa riba e islanan, kaminda a para ketu tambe na diferente nesesidat lokal di e islanan.

Pa loke ta trata e asuntu di representante permanente, e grupo di trabou a enfoká riba puntonan pa kua ta eksistí konsenso kaba, riba puntonan ku tin diferensia di opinion i riba plannan di akshon konkreto pa duna representashon di e islanan forma. A yega na konsenso i a interkambiá di idea tokante e funshon, profil i aspektonan logístiko di e representashon. A stipulá un plan di akshon konkreto i esfuerso di e islanan tabata pa duna e funshon importante akí kontenido efisiente i efektivo. Otro tópikonan ku a diskutí tabata desaroyo di legislashon aprobá tokante ampliashon di e kantidat di miembronan di konseho insular i diputadonan insular, aktualisashon di legislashon ku ta pendiente i Cft. E konsehonan insular a akordá pa atendé algun punto di atenshon komun i a ratifiká e intenshon pa eksplorá kolaborashon den forma di un kooperashon ku tur e seis (6) islanan den e parti karibense di Reino.

Pa konkluí e Kumbre di BES a tene un enkuesta pa kolektá feedback tokante efektividat di e Kumbre di BES te ku awor ku a finalisá un siklo. E feedback lo kondusí na mehorashon i fortifikashon kontinuo di e kooperashon. A bolbe pasa presidensia di e di dos siklo pa Sint Eustatius, ku miembro di rat, Glenville Schmidt, komo presidente i Melissa Robins-Spanner komo sekretario. A stipulá 4 di sèptèmber 2026 komo fecha pa e siguiente Kumbre di BES.