Resumen 2025

E meta pa e boletin aki ta pa mantené pueblo di Boneiru bon informá tokante asuntunan importante ku a wòrdu trata i e desishonnan tuma durante e reunionnan di konseho insular.

Miéntras Konseho Insular ta kontinuá ku e kompromiso pa transparensia i komunikashon habri, nos ta hasi un yamada na komunidat pa partisipá den e kòmbersashon di kontenido i partisipá den e diferente momentonan di interkambio.

Danki pa boso interes i partisipashon kontinuo. Huntu, laga nos keda informá, konektá i empodera!Un resúmen kòrtiku di datos di Konseho Insular di Bonaire pa 2025. Informashon i kontenido di kada un di e informe nan aki por lesa riba e website www.konsehoinsualr.org

Konseho Insular Bonaire - Pasangrahan

Raportahe 2025:

Reunionnan plenario

Tin dos tipo di reunion plenario di Konseho Insular: reunion di formulashon di opinion (MVR) i reunion di tuma 

desishon (BVR) di Konseho Insular.

E presidio ta stipulá agènda preliminar i kalendario di reunion di Konseho Insular. I tambe duna rekomendashon pa organisashon di tareanan di Konseho Insular i komishonnan.

Durante 2025 diferente reunion a tuma lugá, aki tin un publikashon di sifra nan ku ta duna indikashon di kuantu 

reunion a tuma lugá den 2025.

Reunion nan ku a tuma lugá:

  • Presidio │15
  • BVR │16
  • MVR│12

Raportahe 2025:

Reunionnan di komishon

Reunionnan di Komishon fiho ta reunionnan di e komishonnan permanente nombrá pa Konseho Insular ku ta enfoká riba diferente tópiko. En total tin seis diferente komishon. E reunionnan aki tin komo meta pa brinda e miembronan di Konseho Insular e oportunidat pa sera konosí ku e kontenido di e temanan i pa hasi e preguntanan nesesario pa informá nan mes kompleto, òf por lo ménos sufisiente, pa asina por tuma un desishon bon evaluá.

Durante 2025 diferente reunion di komishon a tuma lugá, aki tin un publikashon di sifra nan ku ta duna indikashon:

  • Komishon Maneho i sosten (B&O)│5
  • Komishon Asuntunan Interinsular i relashonnan den reino (I&K) │7
  • Komishon Planifikashon i Desaroyo (R&O) │ 8
  • Komishon Supervishon i mantenshon di lei (T&H) │ 2
  • Komishon Komunidat i Kuido (S&Z) │ 7
  • Komishon di asuntunan di trabou │10

Enkuentro nan di Konseho Insular pa 2025:

Total kantidat di reunion: 82

Total kombersashon ekstra: 31

Total kantidat di enkuentro ofisial: 113

 Bai archivo

Raportahe 2025:

Desishonnan

Desishonnan di Konseho Insular.

Den un reunion di toma di desishon e miembronan por vota ‘pro’ òf ‘kontra’ di un proposishon. Si mayoria di e miembronan ta ‘pro’, e proposishon ta aseptá. Si mayoria ta ‘kontra’, e proposishon ta rechasá.

Durante e reunionnan di Konseho Insular di 2025, un total di 9 desishon a ser aseptá.

Desishonnan di Konseho Insular

Raportahe 2025:

Preguntanan por eskrito

Miembronan di Konseho Insular por hasi pregunta por eskrito dirigí na Gezaghebber of Kolegio Ehekutivo.

Lista nan di preguntanan por eskrito ku diferente frakshon nan a hasi durante 2025:

Raportahe 2025:

Moshon

Un moshon ta un ekspreshon di Konseho Insular, ku un òf mas miembro di Konseho Insular ta proponé i ku ta (òf por) keda someté na votashon. E moshon ta keda aprobá na momento ku un mayoria di e miembronan presente a vota na fabor. Na momento ku un mayoria di e miembronan presente vota kontra òf e votonan empatá, e moshon a keda rechasá.

  • Konseho Insular: 9
  • Frakshon M21: 2
  • Frakshonnan M21, Vrolijk i PDB huntu: 3
  • Frakshon MPB: 1
  • Frakshon UPB: 1
  • Frakshon Vrolijk: 1

Durante e reunionnan plenario di Konseho Insular di 2025, un total di 17 moshon a ser presentá.

Raportahe 2025:

Kambio den Konseho Insular

1 di aprel 2025 Sr. Hennyson Thielman a huramentá komo miembro, despues ku Sr. Humphrey Wout Jr. a sali komo miembro pa frakshon MPB.

Raportahe 2025:

Hiba palabra

Den 2025 na 7 okashon siudadanonan a hasi uso di nan derecho pa dirigí nan mes na Konseho Insular.

Bo ke dirigí bomes na Konseho Insular pa pone un tópiko na atenshon di e konsehalnan? Tuma kontakto ku griffie pa mas tardá 24 ora promé ku reunion pa haña tempu pa papia durante un reunion.

Durante un reunion plenario di Konseho Insular por papia solamente tokante temanan ku no a ser tratá anterior den un reunion di komishon i ku ta riba e lista di punto di agènda pa e reunion di Konseho Insular. E tempu di diskurso ta ser determiná abase di e kantidat di persona ku lo ke hiba palabra pa kada tema. Un petishon pa papia por ser rechasá si tin un kaso hudisial andando entre e persona ku ke papia i Entidat Públiko Boneiru (OLB).

Registrá pa hiba palabra

Por aserká e konsehalnan dirèkt tambe por medio di e lenk: ‘konsehal i frakshon’