Kurso pa miembronan di Konseho Insular
Djabièrnè 20 di yüni último, miembronan di Konseho Insular di Boneiru a risibí un kurso intensivo organisá pa e “Vereniging van Raadsleden (VvR)”, ku meta pa fortifiká e kapasidat di trabou i liderato di e órgano legislativo lokal.
Durante e seshon, e partisipantenan a reflehá i evaluá e manera ku Konseho Insular ta funshoná, tantu den su ròl interno komo den e relashon ku e pueblo, ku griffie, ku e komishonnan di Konseho insular i ku Gezaghèber ku ta e presidente.
A tuma tempu pa diskutí e responsabilidatnan di kada ròl den Konseho Insular, e derecho di kada miembro i e desafionan ku ta trese difikultat pa komprondé e intenshon i trabou di Konseho Insular.
A hasi un tèst di personalidat tambe, pa yuda kada miembro komprondé nan estilo di liderazgo i área di desaroyo. Kada partisipante a risibí nan propio puntuashon pa asina sigui traha riba e puntonan fuerte i e áreanan ku mester mehora.
Lo sigui ku e tipo di seshonan an aki den futuro, pa evaluá e desaroyo individual di kada miembro i e progreso di Konseho insular den su totalidat.
