Durante e reunion aki, kambio di klima i revishon di Lei di Entidatnan Públiko di Boneiru, Sint Eustatius i Saba (WOLBES) i Lei di Finansa di Entidatnan Públiko di BES (FINBES) tabata riba agènda.

Kòmbersashon nan asina aki entre KOREL I Konseho Insular ta netamente pa reforsá kontakto I fortifiká lasonan.  Pa e motibu ei, Konseho Insular i KOREL a hasi akuerdo pa reuní regularmente pa papia tokante tópikonan ku ta surgi durante debatenan den Senado. KOREL den su totalidat ta hasi 1 pa 2 bishita di trabou na e islanan durante su periodo.

E próksimo enkuentro ta plania pa kuminsamentu di mart 2024, ora ku e Konseho Insular di Boneiru ta di bishita na Den Haag.